Wallpaper Detail
كلنا بنعمل ذنوب وربنا يهدينا جميعا
بس في فرق شاسع بين إننا نتقبل بعض وقت فتنتنا إلى أن نهتدي
وبين إننا نشجع بعض على التمادي في المعصية
اللي بيشجعنا على التمادي في معاصينا .. دة شخص مابيحبناش
دة شخص بيضرنا وبيضر نفسه
وارد يكون مُدرك دة ووارد لا
بلاش نشوف إن الأشخاص اللي بيمدحوا معاصينا إنهم كدة أحب وأقرب إلى قلوبنا من اللي رافضين فعلنا الخاطئ مع تقبلهم لطبيعتنا البشرية ونصحهم لينا برفق ولين
مهم جدا نكون صادقين مع أنفسنا .. بلاش نعمل الذنب ونجهر بيه وندافع كمان عنه
وخلينا نحاول قدر الإمكان نختار الناس اللي حوالينا .. اللي لما يلاقونا بنعمل حاجة حرام ولا غلط .. ينصحونا ويحاولوا يشدونا للطريق الصحيح
وبلاش كمان نستعلى ونستحقر أي حد فُتن .. عشان ماحدش كبير على الذنب
رددوا دايما .. اللهم ردنا إليك ردا جميلا
وجنبنا الفتن ما ظهر منها وما بطُن
وأخرجنا منها سالمين غانمين
ربنا يسترها معانا دنيا وآخرة بجد ?
#SalChology #lifetips #tips
Share with friends :